Kryeministri Rama ka folur për herë të parë rreth lajmit se një nga viktimat e tërmetit, Kristi Peçi ishte e dashura e djalit të tij. Në emisionin “Porta a Porta”, Rama pohoi se lajmi ishte i vërtet, po ka pasur një detyrim të lartë për këtë tragjedi dhe nuk ka dashur të flas për këtë.
“Po, është e vërtetë. Por më lejoni të them që duke u gjendur në këtë situatë të veçantë dhe nisur nga ky detyrim shumë i lartë për të qenë kryeministër i një vendi që po kalon këtë tragjedi, nuk kam dashur të flas për këtë sepse nuk është diçka që ka të bëjë me mua apo me familjen tonë, por ka të bëjë me të gjithë ne. Kjo thjesht e shtoi atë detyrimin tim të brendshëm për të bërë gjithçka, sepse unë nuk gjej dallim mes të gjithë atyre që kanë humbur jetën”, është përgjigjur kryeministri.
